ஏப்ரல் 14ல் தெய்வத்திருமகன் இசை வெளியீடு

டைரக்டர் விஜய் இயக்கத்தில் விக்ரம் நடித்து விரைவில் வெளியாக இருக்கும் தெய்வத்திருமகன் படத்தின் இசை வருகிற ஏப்ரல் 14ம் தேதி வெளியீடப்படுகிறது.

கிரீடம், மதராசப்பட்டினம் போன்ற படங்களை இயக்கிய டைரக்டர் விஜய் அடுத்து சீயான் விக்ரம்மை வைத்து "தெய்வத்திருமகன்" என்ற படத்தை இயக்கி வருகிறார்.

இப்படத்தில் விக்ரமுடன் அனுஷ்கா, அமலா பால் ஆகியோர் நடித்துள்ளனர். முன்னதாக இப்படத்தை முடித்து பின்னரும், படத்திற்கான தலைப்பு வைப்பதில் ஏகப்பட்ட பிரச்சனை. ஆரம்பத்தில் தெய்வமகன் என்று பெயரிடப்பட்ட இப்படம் பின்னர் பிதாவாக மாறியது.

பின்னர் அந்த பெயரும் யாரோ பதிவு செய்து வைக்க அதையும் மாற்றி இறுதியில் தெய்வத்திருமகன் என்று பெயரிட்டனர்.

இப்படத்தின் சூட்டிங் அனைத்தும் முடிந்து வருகிற மே மாதம் திரைக்கு வர இருக்கிறது. இதனிடையே இப்படத்தின் பாடல் வெளியீட்டு விழா வருகிற ஏப்ரல் மாதம் 14ம் தேதி நடைபெறுகிறது. படத்திற்கு ஜி.வி.பிரகாஷ் குமார் இசையமைத்துள்ளார்.

இவர் ஏற்கனவே விஜய்யின் கிரீடம், மதராசப்பட்டினம் படத்திற்கும் இசையமைத்து இருந்தார். தமது முந்தைய படங்கள் போலவே தெய்வத்திருமகன் படத்தின் பாடலும் நிச்சயம் ஹிட்டாகும் என்று எதிர்பார்க்கப்படுகிறது.