தனுஷை நெகிழ வைத்த விஜய்

துப்பாக்கி படத்தின் வெற்றி விஜய் வட்டாரத்தை மேலும் பரபரப்படையச் செய்திருக்கிறது. அதோடு, அப்படத்தில் நடித்தமைக்காக அவருக்கு பல விருதுகள் கிடைத்த வண்ணம் உள்ளன. 

அதில் ஒன்று விஜய் அவார்ட்ஸ். இந்த விருதினை கடந்த சில தினங்களுக்கு முன்பு பெற்றார் விஜய். அப்போது விருதினை வாங்க மேடைக்குச்சென்ற அவர், இந்த விருதினை சிறந்த நடிகருக்காக எனக்கு அளித்திருக்கிறார்கள். 

ஆனால், என்னைவிட ஒரு சிறந்த நடிகர் எனக்கு முன்னாடி அமர்ந்திருககிறார் என்று தனுஷை சுட்டிக்காட்டி சொன்னார். விஜய்யின் இந்த பேச்சைக்கேட்டு அரங்கம் நிறைந்த கரவொலி எழுந்தது.

தமிழ் சினிமாவில் ஒரு முன்னணி நடிகர் விஜய்யே மேடையில் தன்னை சிறந்த நடிகர் என்று சொன்னதைக்கேட்டு மனமுருகிப்போனார் தனுஷ். 

அதையடுத்து உடனடியாக தனது டுவிட்டரில், விஜய் சாரின் பேச்சு ரொம்ப உயர்வானது. என்றைக்குமே என்னைவிட அவர்தான் சிறந்த நடிகர். உயர்ந்த நடிகர் என்று பதிவு செய்துள்ளார் தனுஷ். 

மேலும், இந்த ஆண்டு எனக்கு ரெண்டு விருது கிடைத்துள்ளது. ஒன்று விஜய் விருது, இன்னொன்று விஜய் சாரின் பாராட்டு விருது என்றும் பதிவு செய்திருக்கிறார்.